СДСМ: Полицијата работи професионално, стапката на криминал се намалува
Залудни се лагите на ВМРО-ДПМНЕ, полицијата работи професионално, стапката на криминал се намалува, граѓаните се чувствуваат безбедно, велат преку соопштение од СДСМ.
„Антинародното раководство на ВМРО-ДПМНЕ продолжува да шири лаги во обид да создаде неоснована паника меѓу граѓаните.Коалицирањето со криминалот, партизацијата на полицијата, неказнивоста и селективност беа одлика на ВМРО-ДПМНЕ и тоа заврши со нивното заминување во опозиција.По започнатиот процес на реформи полицијата се професионализира и работи независно, одговорно и неселективно во заштита на законите.
Стапката на криминал се намалува, неселективно се постапува по секое прекршување на законите. Таков е и последниот случај за кој денеска лажно обвинува ВМРО-ДПМНЕ, каде што виновниците се лоцирани и против седум лица се поднесени соодветни пријави.
Залудни се лагите на ВМРО-ДПМНЕ Министерството за внатрешни работи постапува професионално, ефикасно и независно, а тоа го потврдува и анкетата на ОБСЕ според кое 75 отсто од граѓаните се чувствуваат безбедни.“ стои во соопштението на ДССМ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
