СДСМ: ВМРО-ДПМНЕ виде дека нема поддршка кај граѓаните па скокна да измислува апликации кои не постојат

Не е точно дека постои апликација „Големото око“, како лажно што обвинува ВМРО-ДПМНЕ, ниту пак дека е прекршен изборниот процес или личните права на граѓаните, најмалку дека се прекршени законите, велао од СДСМ.

„Лага на ВМРО-ДПМНЕ е дека постои апликација која прибира лични податоци на граѓаните, матични броеви или други лични информации. Исто така, лага е дека се прибираат мета дата податоци од паметни телефони.

Се ова се целосни измислици на ВМРО-ДПМНЕ, соочени со стравот од изборен пораз и слабата поддршка што ја имаат од граѓаните.

Контрадикторноста и невистините пласирани од ВМРО-ДПМНЕ се гледаат во тоа што во еден пасус тврдат дека постои апликација која се користи од страна на членови на СДСМ и која прибира податоци од сите што ја симнале (значи членовите на СДСМ), а во друг пасус пак тврдат дека преку истата апликација се прибираатинформации за интернет ативностите на сите граѓани“наведуваат од партијата на СДСМ.

Од партијата велат деја едното со другото тврдење на ВМРО-ДПМНЕ е контрадикторно и неточно, очигледно во брзање да наведат што повеќе невистини ги измешале лончињата.

„Вистината е сосема поинаква. СДСМ користи современ, иновативен начин на водење кампања, модел којшто е преземен од сестринските партии од Шведска.

Системот не прибира лични податоци на граѓаните, не содржи фотографии, ниту дата податоци од паметни телефони ниту интеренет активности.

За разлика од ВМРО-ДПМНЕ кои знаат само за злоупотреби, притисоци, закани и уцени, СДСМ спроведува современа кампања поврзана исклучиво со работата на сопствените активисти и наведените барања на граѓаните.

СДСМ е отворена за секоја државна надлежна институција да изврши увид и да го потврди ова наше тврдење односно да ги демантира конструкциите и лагите на ВМРО-ДПМНЕ.

ВМРО-ДПМНЕ да не смислиува алиби и да не бара оправдувања за бојкот, соочена со изборниот пораз кој ги чека“ стои во соопштението од СДСМ.