Никако не ја симнувајте: Оваа апликација е лажна, измамени се 10 милиони луѓе

Иако од Google тврдат дека будно ги прегледуваат сите апликации пред тие да пристигнат на Play Store, се уште се случува по некоја „лоша“ апликација да заврши на платформата и да им нанесе штета на корисниците.

Последната во низа е апликација која тврди дека ќе го инсталирате најновиот firmware, односно основен софтвер на телефоните на Самсунг.

Updates for Samsung – Android Update Versions ја превзеле повеќе од 10 милиони корисници ширум светот, но наместо апдејт, на телефоните била инсталирана апликација која ги пренасочува корисниците кон интернет страница на која се бара наплаќање за превземањето на софтверот.

Да потсетиме, произведувачите на паметни телефони бесплатно ги ажурираат оперативните системи на своите корисници, па затоа не е јасно како е можно толкав број на луѓе да ја инсталираат оваа апликација.

Од Google во меѓувреме реагираа и ја отстранија апликацијата од Play Store, но не се знае колкав број на корисници наседнале на измамата и ви напишале своите лични податоци и податоците од својата картичка за „да го добијат новиот софтвер“.

Поради ваквите случаи, безбедносните експерти ги предупредуваат корисниците неколку пати да проверат кој ја поставил апликацијата на Play Store, да ги прочитаат коментарите, или да побараат на интернет повеќе информации околу апликацијата.