Мицкоски до Филипче: Го пљачкате сопствениот народ, злоупотребувајќи го здравјето на луѓето

Кога човек ќе одлучи да слугува и кога тоа го прави безпоговорно на сметка на граѓаните, тогаш тоа го прави ништо повеќе отколку соучесник во пљачката на векот и за тоа набргу ќе има одговорност – реагираше лидерот на ВМРО ДПМНЕ, Христијан Мицкоски, на Фејсбук статусот на министерот за здравство Венко Филипче.

Мицкоски пишува дека јавноста е само транспарентно информирана за начинот на кој криминалците се обидуваат да ја изведат пљачката, но дека тоа не ги прави помалку виновни.

„Ве предупредувам, нема после бегање…, а што се однесува до тоа за што јас треба да се позанимавам еве ќе Ви одговорам. Имате веќе трета година да се занимавате со тоа што го пишувате, но вие одлучивте да се уортачите и да ковате планови против Мицкоски и ВМРО-ДПМНЕ и еве Ве уверувам, ќе се занимавам со се и со тоа што го пишувате и за вашите нови ортаци, ама ќе се занимавам и со ова што денес заедно со тој на кој му слугувате го правите, го пљачкате сопствениот народ, злоупотребувајќи го здравјето на луѓето, крадете….“, стои во реакцијата на Мицкоски на статусот на Филипче.

„Месеци не делат од #ОбноваНаМакедонија, нема привилегирана каста на политичари, секој кој се огрешил и посрамотил ќе сноси одговорност, без разлика на политичката припадност…

ПС: Ве молам следниот пост тие што ќе Ви го напишат, правилно нека го пишуваат моето презиме, Мицкоски“ – напиша Мицкоски на Фејсбук.