Јанушев на средба со пензионерите: „СДСМ и Заев не излажа и иманипулира“

На средбата пензионерите го искажаа своето огромно незадоволство од политиките кои владата на СДСМ и Зоран Заев ги водат изминатите речиси три години.

Пензионерите  нагласија дека СДСМ и Заев ги излажале и изманипулирале кога ветувале дека ќе го подобрат нивниот стандард и ќе ги покачат пензиите, посочувајќи го и последното покачување на пензиите од  само 36 денари, додавајќи  дека се чувствуваат понижени и изневерени од страна на Заев и СДСМ.

Како што беше истакнато тие се чувствуваат изманипулирани и во однос на методологијата за пресметка на волоризација на пензиите и во однос на пензиската членарина која ја користат пензиските организации.

На средбата беше констатирано дека околу 40% од пензионерите во Република Македонија земаат под 12 000 денари пензија  односно дека половина  од пензионерите  се на граница на економското опстојување, дури  и под таа граница.

Претходната влада предводена од ВМРО-ДПМНЕ донесе низа на проекти и мерки за оваа група на граѓани, но како што посочија  пензионерите на средбата  владата на СДСМ, Заев и Царовска  ги укинале истите  неводејќи грижа за  пензионерите.

ВМРО-ДПМНЕ ветува дека со формирање на новата влада ќе воведе мерки и проекти  за сите категорија на граѓани вклучувајќи ги и пензионерите и нивните потреби и барања за подобар, поквалитетен и повисок стандард.