Николоски: Очекувам ВМРО-ДПМНЕ да добие 61 пратеник на изборите
Од 2020 на политички план очекувам големи промени и ние да формираме Владата по изборите, вели потпретседателот на ВМРО-ДПМНЕ Александар Николоски, во изјава објавена во најновиот број на неделникот Фокус.
Според него, новата владата ќе донесе голема промена и на економски и на политички план.
– Во делот на економијата, ќе донесеме значајно повеке инвестиции, нови работни места и повисоки плати. Во делот на политичките теми, пак, забрзување на реформите со цел почеток на преговори со ЕУ. Очекувам ВМРО-ДПМНЕ да однесе убедлива победа со огромна разлика во однос на СДСМ, затоа што постои сериозно разочарување од политиките на СДСМ, како и енормна корупција и криминал. Со нашата програма, ќе дадеме одговори на овие предизвици кои се надевам ке бидат препознаени од граѓаните – вели Николовски.
Тој додава дека очекува ВМРО-ДПМНЕ самостојно да освои 61 пратеник, а после изборите, како што објаснува, ќе градат партнерство врз принципот на слични програми.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа