СДСМ: Димовски знае да брани криминал, а не знае право

Очигледна е нервозата кај извршителот на Груевски, Христијан Мицкоски затоа што не успеа да го реализира налогот на Никола Груевски, велат од СДСМ. 

Оттаму посочуваат дека толку е очаен, што потегот на извршителот Мицкоски преку обвинетиот Илија Димовски да глуми загриженост покажа дека појма немаат од правни процедури.

-За да се спроведе ваков закон мора да има период за соодветна подготовка. Илија Димовски од Титаник, исто како и извршителот Груевски знае да брани криминал, а не знае право. Политичката согласност околу содржината на Законот за јавно обвинителство воопшто не е загрозена, се вели во соопштението од СДСМ.

По техничките усогласувања Законот со својата конечна верзија е веќе во собраниска процедура.

-Има добра основа да се донесе, а СДСМ е на страната на правдата. Нема скриена амнестија за криминалот на режимот, има одговорност за сите. Секој што го прекршил законот мора да одговара, се вели во соопштението од СДСМ.