Гатузо пред отказ, Наполи бара нов тренер

Тренерот на Наполи, Џенаро Гатузо би можел да биде отпуштен, пишуваат италијанските медиуми.

Гатузо го замени Карло Анчелоти во декември, но немаше голема промена во резултатите на тимот и неговиот стол почна да се тресе.

Наполи веќе бара иден ментор и фаворити се тренерите на Верона, Иван Јуриќ, Аталанта Џан Пјеро Гасперини, како и поранешниот тренер на Интер и Рома – Лучијано Спалети.

Гатузо има договор со клубот само до летото, а најверојатно Наполи ќе чека до тогаш, за да не му плати оштета.