Адеми: За две и пол години ја донесовме земјата од изолација до интеграција
За две и пол години ја донесовме земјата од изолација до интеграција, истакна во Ресен претседателот на партиската комисијата на СДСМ за надворешна политика, Едмонд Адеми.
На Трибината „Агенда 20-24“ рече дека Балканот во минатото произведувал повеќе историја отколку иднина, имал повеќе проблеми, отколку решенија, како и оти сега Европа може да учи од Балканот.
-Тридецениската изолација на земјата ја прекинаа двајца храбри луѓе – Зоран Заев и Алексис Цитрас, кои ги подадоа рака и го потпишаа Преспанскиот договор, кој ги подобри односите со Грција и ја одблокира интеграцијата на државата, рече Адеми, додавајќи дека наместо противник, добивме вреден сојузник.
-Собранието го ратификуваше Северно-атлантскиот договор и Република „Северна“ Македонија стана 30-та членка на најмоќниот воен сојуз на светот – НАТО и со новосоздадениот контекст, ние добиваме долгорочен мир, стабилност и безбедност, нагласи Адеми на програмската трибина 20-24, на тема Бенефитите од потпишувањето на Преспанскиот договор, претседателот на комисијата за надворешна политика на СДСМ Едмонд Адеми.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа