СДСМ: Доаѓањето на СДСМ на власт е време на ослободување на државата од заложништво и градење на демократијата

Единствено време кога нашата татковина беше заложник се 11те  години на криминалното владеење  на ВМРО-ДПМНЕ предводено од Никола Груевски, велат утринава преку соопштение од СДСМ.

Тие велат дека во тоа време извршителот на Груевски, Христијан Мицкоски беше најлошиот, нејнеуспешниот директор на ЕЛЕМ кога струјата ја покачи над 100%.

„Додека граѓаните врзуваа крај со крај, Груевски и послушниците се расфрлаа со парите на граѓаните. 11 години заложништво, значеше исто толку години замрзнати плати, пензии, стечајци на улица, селективни и ненавремени субвенции, младина без можности за напредок и без шанси за иднина поради изолацијата. Доаѓањето на СДСМ на власт е време на ослободување на државата од заложништво и градење на демократијата. Денес секој има право на свое мислење и став, не се шепоти повеќе туку гласно се зборува. Наспроти деструктивните политики на ВМРО-ДПМНЕ , СДСМ успеа за најкраток рок од 2.5 години, да реши клучни и стратешки прашања за државата и донесе мерки и реформи во интерес на граѓаните и државата. Денес имаме минимална плата од 14.500 денари  и просечна со највисок раст досега, решен статус на 12.000 стечајци, повисоки пензии, 60 илјади нови работни места, најниска невработеност од 17.1% неселективни и навремени субвенции и можности  за младите да останат и напредуваат во својата татковина.

Затоа на 12 април граѓаните ќе ги казнат деструктивните политики на ВМРО-ДПМНЕ и извршителот Мицкоски и ќе порачаат режим – никогаш повеќе!“ стои во соопштението на СДСМ.