Том Круз поради коронавирусот прекинал снимање на филм - веднаш ја напуштил Италија

Славниот актер Том Круз, како што пренесуваат медиумите, го прекинал снимањето на седмиот дел од филмот „Невозможна мисија“ во Италија, поради коронавирусот од кој се заразени многу Италијанци.

Екипата која работи на филмот ги спакувала куферите и заминала од Венеција, каде се снимале некои кадри.

-Поради голема загриженост за безбедноста и здравјето на нашата екипа, а по совет на венецијанските власти дека јавните собирања треба да се избегнуваат, одлучивме да го прекинеме планираното тринеделно снимање во Венеција - соопштиле од студиото „Парамаунт“.