Црна Гора е единствена земја во Еврпа без коронавирус
Единствената земја во Европа каде се уште нема ниту еден официјално потврден случај на коронавирус е Црна Гора.
Минатата недела од Институтот за јавно здравје на Црна Гора потврдија дека 184 лица се наоѓаат под здравствено – санитарен надзор поради актуелниот вирус.
Според епидемиологот Божидарка Ракочевиќ, надзор се вршел од самото влегување на патниците во Црна Гора.
-Системот е чувствителен, затоа постојано се трудиме да го подобриме – изјави таа за РТЦГ.
Очигледно, заштитните мерки кои што ги превзема Црна Гора се ефективни, и до денес, кога бројот на заболени од коронавирус во светот се искачи на 111.753 лица, ова е единствената европска земја без ниту еден позитивен случај.
Според последните податоци, вирусот однесе 3.888 животи, а 62.722 лица се излекувале на светско ниво.
На прво место според бројот на заразени е Кина, потоа следуваат Јужна Кореја, Италија, Иран, Франција, Германија, Шпанија, Америка, Јапонија, Швајцарија, Холандија, Обединетото Кралство, Шведска, Белгија…
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
