Вучиќ: Се надевам дека вонредната состојба ќе се укине до крајот на април

Српскиот претседател Александар Вучиќ денеска истакна дека се надева оти вонредната состојба ќе биде укината до крајот на овој месец.

-Едвај го чекам денот и се надевам оти ќе бидеме во позиција пред крајот на месецот да ја укинеме вонредната состојба, рече Вучиќ, појаснувајќи дека ова е негова надеж, а не прогноза.

Укинувањето на вонредната состојба не значи дека нема да има мерки.

Вучиќ најави дека на 28 јуни годинава со орден ќе ги награди докторите за сите заслуги во борбата против коронавирусот.