Со само една намирница велигденските јајца ќе изгледаат магично: Ги замотала во фолија и без вештачки бои добила мермерни јајца

За овие магично виолетови велигденски јајца со мермерна шара ви е потребна само една намирница.

Без вештачки бои и многу труд – ова е една од наједноставните техники за фарбање јајца, а сè што ви е потребно е сушен цвет односно чај од хибискус. 

Потребни состојки:

- сирови бели јајца

- 80 гр. чај од хибискус (мерка доволна за 10 јајца)

- 1 лажичка алкохолен оцет

- стреч фолија

Во сад ставете вода и додадете го хибискусот и оцетот. Кога водата ќе зоврие, ставете ги јајцата и оставете да се варат на тивок оган. Кога ќе се сварат и кога на нив ќе забележите боја, тргнете ги од огнот.

Изведете едно јајце, ставете го на стреч фолија и на него ставете неколку цветови хибискус кои се вареа во водата. Замотајте го јајцето заедно со цветовите во фолијата и оставете да отстои околу половина час. Потоа одмотајте го, оставете да се исуши и премачкајте го со масло.

Ваквата шара добиена со природна техника потполно ќе ве воодушеви.