Министерката Јанкулоска во неколкудневна посета на Кина

Министерката за внатрешни работи, Гордана Јанкулоска, од утре престојува во неколкудневна работна посета на Народна Република Кина.

Предвидено е македонската министерка да оствари средба со Гуо Шенгкун, државен советник и министер за јавна безбедност на Кина, додека во среда ќе ја посети Специјалната Полициска Академија за вооружени полициски сили на Н.Р. Кина.

Јанкулоска ќе има и работен состанок со директорот и поважни функционери на Бирото за Јавна Безбедност на водечкиот град по број на жители во светот, Шангај.