Драган Вучиќ испратен во вечниот дом- сопругата не успеа да се збогува со него

Денес на градските гробишта во Бутел беше погребан композиторот, пејач и водител, Драган Вучиќ, кој вчера почина како последица од корона вирусот.

Како што налага протоколот, на погребот присуствуваа неговит син Мартин со сопругата и уште тројца членови од семејството, пренесува ммс.мк.

Сопругата на Драган, Весна не присуствувала на погребот.

Подалеку и на растојание имало и околу 40тина блиски на семејството Вучиќ, но и многу колеги и пријатели.

Присутните се запишуваале во книгата на жалост. „Почивај во мир легендо“, „Нека ти е лесен патот кон ангелите“, „Никогаш нема да те заборавиме, легендите не умираат“ се само дел од пораките кои беа запишани во книгата на жалост.