Закрепнувањето од коронавирусот може да трае и до една година: Се појавува замор, губење на здив, а кај некои и делириум

Во зависност од тежината на сучајот, оправување од коронавирусот може да трае неколку недели, месеци или па подолго од една година, наведува ББЦ.

Заболените со благи симптоми обично оздравуваат и дома за недела дена, но и во такви случаеви процесот на оздравување можеда потрае подолго.

Додека пациентот има треска, инфекцијата е сè уште присутна во организмот, но секоја постојана кашлица во текот на следните неколку недели не е причина за загриженост, посочува Би-Би-Си.

Дури и откако ќе престане инфекцијата, некои луѓе ќе се чувствуваат многу уморни, што може да го предизвикаат и најмалите активности, како што се облекувањето или готвењето чај, да трае подолго и да биде голем напор.

Таквите ппациенти треба да одмараат многу, да јадат здраво и да пијат многу вода.

За оние со сериозни симптоми кои биле хоспитализирани и примаат терапија со кислород, ќе се појави замор и останување без здив при испуштање од блоница, телото мора да се опорави од воспаленијата и штетите предизвикани од вирусот.

Физичкото закрепнување обично трае од две до осум недели, но исто така е значаен аспект на менталното здравје, бидејќи престојот во болница е вознемирувачки за многумина, особено бидејќи е без посети.

Ним им треба помош и интеракција со другите за да се вратат во нормала, а исто така може да биде корисно ако нивните најблиски учествуваат во нивното хоби или само разговараат со нив, како и советите на професионалци за ментално здравје.

Пациентите со сериозни симптоми се лекуваат на интензивна нега и се прикачени на респиратор, а закрепнувањето може да трае и до година дена.

Покрај замор, тешкотии во дишењето и психолошки проблеми, за време на периодот на закрепнување се јавува и физичка слабост поради долгото лежење во кревет, а потребно е време за обнова на мускулната маса.

Некои од овие пациенти  имаат потреба и од физикална терапија и важно е да прават препорачани физички вежби, но и да добиваат охрабрување од нивната околина.

Многу пациенти со интензивна нега по болничко лекување страдаат од делириум, психичка состојба која се карактеризира со збунетост и тешкотии при одржување на вниманието.

Некои ќе доживеат кратки спомени за трауматското искуство што го предизвикало коронавирусот и во најсериозните случаи може да се појави синдром на посттрауматски стрес.

Може да потрае од шест недели до три месеци, а можеби и подолго, да се врати во нормално функционирање. Поддршката од најблиските игра многу важна улога, како и помошта на општите лекари и експертите за ментално здравје.

Откажување од пушење, пиењето помалку алкохол, јадењето здраво, вежбањето и одржувањето на здрава телесна тежина, најверојатно, ќе помогне луѓето да закрепнат побрзо од коронавирусот, советува Би-Би-Си.