Змија која ретко може да се види, а во некои култури се верува дека најавува катастрофа

Љубител на диви животни во шума во источна Индија пронашол исклучително ретка змија со две глави, која ги зачудила и експертите.

Рептилот е неодамна роден и идентификуван како змија влекач која не е отровна. Експертите кои ја прегледале змијата рекле дека е долга 14 сантиметри и има две сосема одвоени глави со четири функционални очи и два јазика.

Двете глави на оваа ретка змија делуваат независно една од друга, поради што е тешко да преживее во природа.

Љубителот на диви животни и фотограф, Ракеш Мохалик, кој истражува разни видови и ја идентификувал оваа змија, рекол дека тоа значи дека животното на крајот ќе се натпреварува само со себе. Тој вели дека едната глава на таквите змии е малку поразвиена, но двете еднакво се борат за храна.

За животните со две глави во многу култури се смета дека носат катастрофа, а често се појавувале и во митологиите. Во дивината, едно од 100.000 животни се раѓа со две глави, пренесува „Дејли Мејл“.

Откако била идентификувана, змијата била пуштена назад во дивината.