Бизарен инцидент во Ниш: Украле пиво па ја претепале и изгризале сопственичката на трафиката

Сопственичка на трафика добила тупаници, но и по некое гризнување откако се обидела да наплати украдени пива во Ниш, јавуваат српските медиуми.

Две лица украле пива и седнале во паркот Свети Сава, но сопственичката на трафиката дошла за да бара пари за украдената стока.

-Жената им пришла и замолила да го платат или да го вратат пивото. Еден од нив станал ја бутнал и ја гризнал за раката. Другиот ја шутнал во нога, а потоа двајцата ја удирале со шишиња по главата и телото, велат од српската полиција.

Таа со Итна медицинска помош била префрлена во Клиничкиот центар каде била прегледана и пуштена на домашно лекување. Двајцата нацилници се уапсени. Станува збор за двајца браќа од околината на Јагодина.