Дознајте повеќе за себе со одговор на прашањето: На кои прсти носите прстени

Прстот или прстите на кои најчесто носите прстени можат многу да кажат за вас како личност. Токму затоа одберете го оној прст (или прсти) каде што најчесто имате прстен и дознајте нешто повеќе за себе…

Палец

Вие сте отворена, весела, забавна и енергична личност која ужива во животот и секогаш е подготвена за нови искуства. Вие сакате сè што е модерно и секогаш ги следите најновите модни трендови. Не сте срамежливи и уживате да бидете во центарот на вниманието, особено кога другите ве фалат.

Показалец

Вие сте многу самоуверена и одговорна личност. Одлично се снаоѓате во улогата на водач и сакате да ги водите другите луѓе. Можеби делувате како силна и ладна личност, но под таа „челична“ површина се крие нежен и чувствителен карактер кој ужива и во најмалите детали и токму ова ве прави естет.

Среден прст

Луѓето кои носат прстен на средниот прст одбиваат да пораснат и најчесто се себични и тврдоглави. Но, тие се секогаш искрени и грижливи, особено кон семејството и пријателите. Поради вашите детски карактерни црти вие знаете да ги „полудите“ блиските, но тие истовремено ви даваат и еден вид шармантност.

Домал прст

На овој прст се носи бурмата, но доколку не сте во брак и сепак носите таму прстен тоа значи дека сте чувствителна и романтична личност. Љубовта е за вас смислата на постоењето и силно се надевате дека ќе пронајдете личност која ќе ви го стопи срцето и со која вечно ќе бидете заедно.

Мал прст

Вие сте нежна, скромна и прецизна личност. Може да се каже и дека сте перфекционист бидејќи обрнувате внимание и на најмалите детали и сакате да работите без грешка во својата работа. Луѓето кои носат прстен на малиот прст исто така често се и зависници од својата работа, но тие не се водени од амбицијата туку од внатрешното задоволство кое настанува од признанијата на другите луѓе.

Повеќе прсти

На оние кои носат прстени на 4 или 5 прста им недостасува самодоверба, па токму затоа оваа несигурност се обидуваат да ја скријат со „накитен“ изглед. Тие се во вечна потрага по вистинска љубов и сакаат луксузни работи, но тие не можат да им бидат замена за пријателите и романтичната љубов.

Доколку не носите прстен

Вие сакате да водите едноставен живот без непотребни декорации. Вие сте искрени, полни со самодоверба, мирољубиви, паметни, грижливи и секогаш подготвени за учење нови нешта. Склони сте да се повлечете од толпата, како и да избегнувате конфликти кога тоа е можно.