Фатен несовесниот кавадарчанец кој прегази пешак и избега

Полицијата го пронајде несовесниот возач од Кавадарци кој во текот на вчерашниот ден прегази пешак и избега.

По несреќниот настан, полицијата ги запирала сите возила кои се упатиле кон Неготино, и тогаш го запрела и К.Р. кој возел цистерна, при што било откриено дека тој го прегазил пешакот, по трагите крв кои ги имало на цистерната.

Инаку, како што вчера пренесе Курир, телото на несреќниот маж било пронајдено околу 14 часот и 30 минути откако кавадарчанецот го прегазил и го напуштил местото на настанот како ништо да не се случило.