„Идиоту, каде сме сега?“: Сајмон Кауел не го препознал знамето на Англија - публиката во неверување

Сајмон Кауел, познат член на жирито на популарните ТВ емисии во Велика Британија и САД, како што се Поп идол, Американски идол, Икс Фактор и Британија има талент, бил исмеан од комичарот Дејвид Вилијамс бидејќи не можел да го препознае знамето на Англија.

Имено, богатиот Кауел (62), кој речиси две години живеел во САД, бил повикан на натпреварот со петгодишниот Чарлс, кој во таа прилика го покажал своето знаење за националните знамиња.

За време на аудицијата за шоуто „Британија има талент“, на Кауел му го покажале крстот на Свети Џорџ, на што тој одговорил: „Ох, знам дека - ова е Швајцарија“, пишува „Мирор“.

Неговиот колега судија, Дејвид Вилијамс (50) извикал: „Идиоту! Во која земја сме сега? Англија“.

Одговорот на Сајмон ја оставил публиката во лондонскиот театар Паладиум во неверување. Крстот на Свети Џорџ, црвен крст на бела позадина, е англискиот национален амблем веќе 800 години, додека Швајцарците имаат бел крст на црвена позадина.

Сајмон, кој неодамна се свршил со Лорен Силверман (44), поголемиот дел од своето време го поминува во Америка во неговиот дом во Малибу, Калифорнија, за да закрепне од несреќата.

Тој бил на лекување неколку месеци од повреда на 'рбетот откако се симнал од електричен мотор во мај 2020-та година, но закрепнал. Сајмон се вратил во жирито во неделата за првиот круг на аудиции за новите епизоди на „Британија има талент“.