Хрватска владина и бизнис делегација денеска во Македонија

Хрватска владина и бизнис делегација денеска ќе пристигне во Македонија. Делегацијата предводена од министерот за економија Иван Врдољак, ќе оствари средба со македонскиот министер за економија Ваљон Сарачини, како и со претставници на македонски компании. 

Македонската и хрватската Влада денеска ќе потпишат договор за изменување и дополнување на договорот за билатерална трговија и стопанска соработка.

Во Стопанка комора на Македонија, пак, денеска ќе се одржи македонско-хрватски бизнис форум, што ќе го отворат министрите Сарачини и Врдољак. Се очекува форумот да донесе воспоставување на деловни контакти меѓу македонски и хрватски компании од различни стопански дејности.