Хаос во Хрватска - три лица загинаа 16 се повредени во верижен судир

Тешка сообраќајна несреќа се случи во Хрватска. Утрово околу 7 часот, на автопатот меѓу тунелите Свети рок и Крпани во Хрватска дошло до верижен судир во која за жал три лица загинале, а 16 се потешко повредени.

Како што пренесуваат хрватските медиуми, автобус во кој немало патници ја пробил заштитната безбедносната ограда и ја попречил во спротивната лента на автопатот. Дошло до верижен судир во двете насоки, во кој учествувале дваесетина возила.

Како што пренесува Јутарљи Лист, сообраќајот на автопатот А1 е затворен во двата правци.

Неофицијално се дознава и дека меѓу загинатите е и еден полицаец. Тој, наводно, меѓу првите бил на местото на несреќата и се обидел да го регулира сообраќајот.