Програмски колегиум на МКЦ: Арсовска клевети со неосновани обвинувања

Програмскиот колегиум на МКЦ ја демантира градоначалничката на Град Скопје, Данела Арсовска.

Оттаму велат дека таа на денешната прес-конференција изнела неосновани обвинувања.

-Најостро ги ДЕМАНТИРАМЕ изнесувањата на прес конференцијата кои содржат тешки инсинуации, неосновани обвинувања и податоци, како и непоткрепени информации целосно извадени од контекст. Истите тие се предмет на клевета согласно законските прописи и нивна цел е целосно нарушување на интегритетот на институцијата и вработените кои се предмет на овие обвинувања. За таа цел, свикуваме итна прес конференција во ЈУ Младински културен центар во петок, 27.01.2023 во 10 часот на кои ги свикуваме медиумите и заинтересираната јавност, за одговор од страна на МКЦ, велат од Програмскиот колегиум на МКЦ.