Згасна романсата меѓу Џиџи Хадид и Ди Каприо
Една од најбараните модели на денешницата, Џиџи Хадид, минатата година беше во врска со холивудскиот актер Леонардо ди Каприо, но тие повеќе не се заедно.
Извор близок до моделот изјави за „Пипл“: „Џиџи не се гледа со него веќе некое време. Едноставно, одлучи да стави крај“.
„Тие не се на исти места во животот. Таа има приоритет да стане мајка“.
Романсата на Џиџи (27) и Леонардо (48) привлече интерес кај таблоидите. Но, според инсајдерот, нивната врска никогаш не била сериозна.
„Едноставно, се угаси“, додаде изворот.
Леонардо и Џиџи, која има двегодишна ќерка со пејачот Зејн Малик, последен пат беа видени заедно во ноември во ресторан во Њујорк.
Во меѓувреме, претходно овој месец, Џиџи откри дека самоизолацијата во екот на пандемијата ѝ го променил текот на нејзината кариера.
Русокосата убавица, која е една од најбараните манекенки во светот, објасни дека седењето дома и раѓањето на ќерката ја принудиле да го преиспита својот животен стил.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
