Владата го назначи Артан Груби за координатор на изградбата на коридорот 8

Првиот вицепремиер Артан Груби, во улога на координатор, ќе ја следи и реализацијата на патните правци Скопје-Блаце, Кичево-Букојчани, железницата Кичево-Лин и заедничките гранични контроли со Албанија и Косово.

„Поради важноста за реализација на започнатите проекти за изградба на патните правци Скопје - Блаце, Кичево - Букојчани, железницата Кичево - Лин, заедничките гранични контроли со Република Албанија и Република Косово и реализацијата на Коридорот 8, Владата на Република Северна Македонија го назначи д-р Артан Груби, прв заменик на претседателот на Владата на Република Северна Македонија, за координатор за следење на работите и за координација на сите активности, со цел нивна навремена реализација“, стои во соопштението на Владата испратено до медиумите.