Спасовски: Случајот со Кадриески е расчистен, напаѓачот е приведен

Министерот за внатрешни работи Оливер Спасовски денеска кажа дека случајот со Бекир Кадриески, копретседател на бугарскиот клуб „Шемето“, е затворен, и напаѓачот на Кадриески е уапсен.

„Приведен е напаѓачот. Земени се изјави. Пријавата и земањето на изјавата од оштетениот беше во медицинскиот центар. Таму беа полициските службеници. Известен е и јавниот обвинител и по прибирање на сите материјални докази, ќе бидат поднесени пријавите. Така што овој случај е расчистен“, изјави Спасовски.