Поскапува бензинот - поевтинува дизелот

Цените на бензинот се зголемуваат, а на дизелот се намалува од вечерва на полноќ, одлучи Регулаторната комисија за енергетика.

Цената на ЕУРОСУПЕР 95 се зголемува за 1 денар, и ќе чини 87,5 денари. Од утре ЕУРОСУПЕР 98 ќе чини 90 денари, односно неговата цена се зголемува за 1,5 денари по литар.

Цената на ЕУРОДИЗЕЛ се намалува за 1 денар, и од утре ќе изнесува 80 денари по литар.

За пола денар паѓа цената на екстра лесното масло и од утре ќе изнесува 80 денари. Цената на мазутот паѓа за 0,6 денари и од утре ќе се продава по 46 денари.