Груби: Сакаме напред со цела ВМРО-ДПМНЕ, секој ден ги убедуваме пратениците за уставните измени

Вицепремиерот Артан Груби е дециден дека на вчерашните средби со Ескобар воопшто не се разговарало за предвремени избори, туку за успешно завршување на уставните измени.

Тој изрази надеж дека ВМРО-ДПМНЕ „ќе се надмине себеси“, ќе гласа и ќе го тргне ова прашање од дневната политичка агенда затоа што тоа е во интерес на сите граѓани.

„Имаме контакти, средби со партијата се гледаме во Собранието секојдневно се обидуваме да ги убедиме, иако јас знам, длабоко сум убеден ги познавам и тие сами знаат дека ова не и прави ништо лошо на нашата заедничка држава и се надевам дека ќе се најде начин не само со дел од пратениците туку со цела ВМРО-ДПМНЕ да одиме напред, а потоа, ако сакаат можеме истиот ден да го распуштиме Собранието и да одиме на предвремени избори уште на самиот ден кога ќе гласаме за уставните измени. Исто подготвени сме да дадеме сите оставки дадовме веќе, ги поднесовме до премиерот и се откажавме од идејата да имаме прв Албанец премиер на Владата на Република Макеоднија само да ја видиме зачленета во Европска унија“, изјави Груби.