Заштитениот сведок прозбори за масакрот кај Смилковци

Заштитениот сведок со кодно име „Е1“  вчера сведочеше за случајот „Монструм“. Сведокот го даде својот исказ преку видеобим со прикриен лик и изменет глас. Судењето беше затворено за јавност, па во судницата беа присутни само обвинетите, обвинителот, бранителите и судскиот совет. 

Ова е втор заштитен сведок за „Монструм“. Претходно Хаки Азири се откажа да биде заштитен сведок, го смени првилниот исказ и од сведок стана обвинет во случајот. 

Судењето за масакрот кај Смилковци стартуваше минатата недела, кога обвиненението беше проширено и во кое сега е вклучен и Сами Љута.

Првообвинетите Африм Исмаиловиќ и Алил Демири се уште се во затвор во Приштина и чекаат екстрадиција во Македонија.