Белата куќа: Нема да соборуваме руски проектили истрелани врз Украина, како што го штитевме Израел

САД нема да соборуваат руски беспилотни летала и проектили истрелани врз Украина, за разлика од тоа како американските сили го заштитија Израел од ирански напад минатиот викенд, изјави портпаролот на Белата куќа за национална безбедност Џон Кирби.

Соединетите држави, Обединетото Кралство и Франција му помогнаа на Израел да одбие масовен бараж што го започна Иран како одмазда за, како што рече Техеран, израелскиот напад врз неговиот конзулат во Дамаск претходно овој месец. Кирби беше прашан за време на дневниот брифинг дали истата тактика може да се користи во конфликтот во Украина.

„Знаев дека ова прашање доаѓа“, одговори тој. „Тоа се различни конфликти, различен воздушен простор, различна слика за заканите. И претседателот Џо Бајден беше јасен од почетокот на непријателствата во Украина дека САД нема да бидат вклучени во тој конфликт во борбена улога.

Западните сили ветија дека ќе му пружат помош на Киев „колку што е потребно“ за да се победи Русија. Сепак, тие ја отфрлуваат идејата за директно ангажирање против руските сили.

На британскиот министер за надворешни работи Дејвид Камерон му беше поставено истото прашање како и на Кирби за време на интервјуто за LBC во понеделникот.

„Всушност, ставањето сили на НАТО директно во конфликт со руските сили – мислам дека тоа би било опасна ескалација“, рече тој. Наместо „западните авиони над нејзиното небо, Украина бара системи за воздушна одбрана, посочи Камерон.

Москва го доживува украинскиот конфликт како прокси-војна против Русија предводена од САД, во која Украинците се користат како „топовско месо“. Таа предупреди дека ќе ги смета сите воени средства директно вклучени во непријателствата како легитимни цели, без оглед на тоа кој управува со нив.

Изјавите на некои западни функционери се чини дека го поддржуваат рускиот став за ситуацијата. Поранешниот британски премиер Борис Џонсон минатата недела трече дека САД и нивните сојузници добиваат „фантастична вредност“ од парите потрошени за Украина, бидејќи „тие момци без ниту еден пар американски чизми на теренот се борат за Западот“.