ВИДЕО: „Македонија е голема приказна а Македонците топли и отворени луѓе"

Во емисијата Interview 20 на босанската телевизија БХТ каде гостин беше македонскиот премиер Никола Груевски, се вели дека Македонија и македонскиот народ Босанците и Херцеговците најчесто ги паметат по убавата музика, скопската чаршија и секако, убавината на Охрид.

-Македонците отсекогаш ги доживуваме како топли и отворени луѓе, а многуммина од поранешните југословенски простори тајно им завидуваа на кујната и специјалитетите. Така Македонците своите кулинарски умешности и ги промовираа и на овој начин.  Иако јазикот им е поинаков од босанскиот, српскиот или хрватскиот јазик, со Македонците веднаш ќе се разберете и без никакви проблеми. Ако имате проблем, тие ќе ви помогнат и без да им побарате помош. Македонија – тоа е голема приказна, се вели во воведот.  

ука не се стои, се забрзано оди напред, кон нови бизнис идеи... Надлежните силно лобираат, патуваат низ светот, имаат прецизно дефинирани тактики и стратегии. Еве еден пример. Во Македонија за еден или два часа може да регистрирате фирма, а државата ќе ви помогне и ќе ве ослободи од давачките доколку вашите производи се наменети за извоз, цената на земјиштето со изградена инфраструктура е исклучително ниска, а ќе добиете и дополнителен поттик, средства за развивање бизнис во оваа држава. Едноставно, Македонците знаат што прават.  Тие не чекаат самити и конференции за потоа да развиваат проекти, проектите веќе им се спремни и направени по сите меѓународни стандарди. Еве уште еден пример. Во нашата претходна емисија, претседателот на советот на министри Вјекослав Беванда, потврди дека БиХ од Кина осигурила 5 плус 4 милиони евра за помош на бегалците. Поголемиот дел од медиумите во земјата тоа го пренесоа како добра вест. Но дали тоа навистина е добра вест, проценете кога ќе го слушнете ова. На истиот самит, претставниците на Република Македонија добија 570 милиони евра, пренесува БХТ.

Премиерот Груевски според телевизијата веројатно е најзафатениот премиер во регионот.

-Додека македонската опозиција континуирано му приговара дека повлекува сосема погрешни потези, тој на овие коментари не обраќа многу внимание. Едноставно вели: „Таквите мислења се дел од работата на опозицијата“.Со доаѓање на власт имаше цел да привлече што повеќе странски инвестиции, па Груевски презеде неколку нови и сосема неочекувани потези.  Најупадливиот е изградбата на разни споменици и историски обележја. Така во Скопје се нижеа нови плоштади и споменици, а највпечатлив е Александар Велики.  Се градат споменици, се пеат песни, се снимаат промо спотови и се емитуваат на престижни телевизиски станици, како што е Си-Ен-Ен.  Некои велат дека спомениците Груевски ги гради од инает спрема Грците, а тој вели дека проблемот со Грција трае многу подолго од што постојат спомениците, пренесува БХТ.