Отворање на реконструираниот Ургентен центар при Детската клиника

Денеска ќе биде отворен Ургентниот центар при Универзитетската клиника за детски болести во Скопје.

Средствата за реконструкцијата и адаптацијата на просториите во Универзитетската клиника за детски болести беа собрани во рамки на Националната донаторска кампања под мотото „Да помогнеме навреме“, а беше спроведена под покровителство на сопругата на македонскиот претседател , Маја Иванова.

Изградбата на Ургентниот центар е поддржана од Турската меѓународна агенција за соработка и развој-ТИКА, а дополнителните донации ќе се искористат за доопремување на Ургентниот центар и новите амбуланти.

На свеченоста по повод отворањето на Ургентниот центар ќе се обратат ќе се обратат  министерот за здравство Никола Тодоров,  покровителката Маја Иванова, д-р. Аспазија Софијанова – директор на Клиниката за детски болести,  Мери Џо Волерс – сопруга на амбасадорот на САД во Македонија, Мехмет Суреја Ер потпретседател на Турската меѓународна агенција за соработка и развој и амбасадорот на Република Турција во Република Македонија, Ѓурол Сокменсуер.

Градежните активности за реконструкција на Детскиот ургентен центар почнаа во септември годинава.