Шиповиќ уште 30 дена во притвор

За 30 дена му е продолжен притворот на Мирослав Шиповиќ, претседавач на Советот на општина Центар и претседател на општинската организација на СДСМ за Центар.

Вакво решение донесе Кривичниот совет на Основниот суд Скопје 1.

Шиповиќ е осомничен во аферата Претседавач за малверезации во работењето на Машинопромет каде тој претседавал со Управниот Одбор. Заедно со него одговарааат и 11 други лица. Полицијата се сомнева дека е сторен криминал тежок еден милион евра.

Судот не ја прифати гаранцијата - стан вреден 70.000 евра за Шиповиќ да се брани од слобода.