Од Скопје со авион директно до Келн
Скопје директно ќе се поврзе со Келн. Од април следната година нискотарифниот авиопревозник „Визер“ двапати во неделата, понеделник и петок, ќе сообраќа од аеродромот „Александар Велики“. Првиот лет е најавен за 4 април.
Со оваа, четврта, дестинација до Германија, покрај Минхен, Дортмунд и Франкфурт, дополнително ќе се зајакнат врските помеѓу двете земји. Мрежата на дестинации на „Визер“ од Скопје се состои од 14 дестинации во осум земји.
Авиобилетите за Скопје-Келн се достапни со почетна цена од 29 евра. Раководството на авиокомпанијата вели дека оваа дестинација е нивниот празничен подарок за патниците од Македонија
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
