Србин уапсен во Македонија - нелегално превезувал 11 мигранти

Полициски службеници од СВР Струмица – ОВР Гевгелија вчера во 20 часот на локален пат во село Богородица, Гевгелиско, го лишиле од слобода Ј.М.(32) од Република Србија.

Во возило „сааб“ со цол таблички, кое го управувал, биле пронајдени 11 мигранти од Сирија. Лицето било задржано во Полициската станица Гевгелија, а мигрантите се спроведени во Прифатно-транзитен центар „Винојуг“ Гевгелија. По целосно документирање на случајот, против Ј.М. ќе биде поднесена соодветна пријава.