Времето денеска сончево, од петок пресврт
Времето денеска, наутро ќе има услови за појава на магла по котлините, а преку денот ќе биде сончево со мала до умерена локална облачност. Ќе дува слаб ветер од северозападен правец.
Минималната температура ќе биде во интервал од -5 до 5, а максималната ќе достигне од 8 до 17 степени.
Во Скопје наутро со услови за појава на магла, преку денот сончево со мала до умерена облачност и претежно тивко. Минималната температура ќе се спушти до -2, а максималната ќе достигне до 13 степени.
До петок претпладне ќе се задржи стабилно и релативно топло преку денот и постојната снежна покривка ќе се намалува. Наутро во котлините ќе има услови за појава на магла особено за време на викендот кога и дневните температури ќе бидат пониски. Нов влажен бран со врнежи од дожд, а на планините и на повисоките места од снег ќе започне од петок попладне кога врнежите во најголемиот дел од земјата ќе бидат од дожд.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
