Сиљановска за Димитриеска-Кочоска: Не е лошо човек да се извини

Претседателката на државата Гордана Сиљановска-Давкова смета дека човек треба да се извини, околу навредата што ја искажа Гордана Димитриеска-Кочоска, за пратеничката Славјанка Петровска во македонското Собрание.

- „Не е лошо човек да се извини, не е лошо човек да рече дека можеби перцепцијата не е таква каква што требало да биде, намерата не била лоша намера. Мислам дека тоа ќе доведе до надминување на ваквите проблеми“, изјави Сиљановска-Давкова.

Инаку, Министерката за финансии, Гордана Димитриеска-Кочоска, во Собранието кажа дека пратеничката од СДСМ, Славјанка Петровска, нема право да зборува за мајки и семејства, за разлика од неа која е мажена, има семејство, има два сина, а изјавата покрена лавина реакции.