Се лизнале низ стрмнините на Пелистер - акција за спасување на планинари

Моментално е во тек акција за спасување на четворица планинари на планината  Баба, во која е вклучен и хеликоптер на МВР. Според податоците на Регионалниот Центар за управување со кризи во Битола, четворицата се дел од група од шестмина планинари на возраст од 18-20 години кои, денеска се искачувале на планината Баба - Пелистер над Малото езеро, но поради лошите временски услови побарале помош од надлежните институции.

Двајца од планинарите се лизнале низ стрмнината и се здобиле со лесни повреди. Тие се пренесени во Клиничката болница во Битола.