Џенифер Лопез и Питбул ќе го отворат светското првенство во Бразил

На овогодишното Светско првенство во фудбал  што ќе се одржи во Бразил американските музички ѕвезди Џенифер Лопез и Питбул и бразилската пејачка Клаудија Леит ќе ги здружат силите за изведба на службената химна „We Are One“,.

“Тука сме да ги урнеме границите и да покажеме дека спортот и музиката се едно”, вели Питбул.

Леит од своја страна нагласи дека песната ќе ја покаже љубовта на Бразил кон „музичкиот и спортски ритам“.

“Музиката е мојата страст, а фудбалот е страст на Бразилците. Сакавме да ја покажеме страстната култура на нацијата. Моментално ја завршуваме песната”, додаде Леит.