Хари Мата Хари: Натпреварувачите од Икс Фактор се осудени на пропаст

Босанскиот пејач Хари Мата Хари во едно интервју за српски медиум го дава своето мислење за актуелното музичко шоу Х фактор.

Тој неодамна беше гостин шоуто Х Фактор, но неговото мислење за ваквиот вид на натпреварувања не е воодушевувачко.

Хари во едно интервју за српски медиум бил запрашан што мисли за ваквиот вид на натпреварувања, на што тој одговорил дека тоа е погрешен начин за да се гради кариера.

„ Во овие натпреварувања во последните пет години сум слушнал добри пејачи. За жал, никој ништо не направил. Тука е погрешно што вистинските ѕвезди се шоуата и телевизијата, а не пејачите. Кариера треба на друг начин да се гради, пејачот сам да се посвети  на она што сака да го прави. Мораат да си ја пронајдат својата улога, својот израз и пораката која сакаат да ја пратат на публиката. Додека сето тоа не го пронајдат, од нив нема ништо. Тие деца сакаат да бидат познати, а не ја сакаат популарноста која се стекнува со добра работа. Тие пејат туѓи песни, на странски јазик, па тогаш каква улога можат да имаат, па нема да одат во Англија и таму да прават кариера“ објаснил Хари зашто има такво мислење генерално за ваквите музички натпреварувања.