Македонски и бугарски бизнисмени на средба во Крива Паланка

Maкедонски и бугарски бизнисмени и градоначалници денеска во Крива Паланка ќе ги разгледаат можностите за интензивирање на пограничната соработка и заедничките проекти со средства од ЕУ фондовите.

Форумот е инициран од Македонско-бугарската стопанска комора, а на него се очекува присуство на десетина градоначалници меѓу кои од Дупница, Ќустендил, Куманово, Кратово и Ранковце.

На форумот ќе се разгледува како да се дојде до средства за  итна модернизација на патниот правец Крива Паланка – Ќустендил, можна ли е брза изградба на заеднички пограничен сообраќајно-царински терминал, како до развој на планинскиот и културниот туризам и формирање на конзорциум од компаниите во пограничниот регион со создавање заеднички извозен продукт.

Неодамна во Балгоевград се одржа сличен состанок на кој беше договорено оваа пролет домаќин на бизнис-експо на овој дел од граничното поврзување да биде Штип.