Германската Маркард ќе вработи 600 лица во фабриката во Велес

Лудгер Шонекер, менаџер од корпорацијата Маркард која е една од германските инвестиции во Македонија, на синоќешниот Бизнис форум во Штутград изјави дека ќе почнат со изградба на фабриката во Велес во април годинава.

– Планираме да завршиме во април 2015 и да почнеме со проиводство, а ќе  вработиме 500-600 луѓе. Проиводство од фабриката во Македонија ќе го пласираме во Германија, истакна Лудгер.

Компанијата Маркардпроизведува електронски клучеви, контролни табли за управувачи, централни конзоли за врати и прозорци.

Оваа инвестиција се проценува на 35 милиони евра.