Ја удрил со пиштолот по глава и се обидел да ја ограби - фатен крадец од Струга

Струшката полиција поднесе кривична пријава против 25-годишниот стружанец  И.Л. кој е осомничен дека извршил две казнени дела, „разбојништво“ и „недозволено изработување, држење и тргување со оружје или распрскувачки материи“.

Во текот на вчерашниот ден, околу 9 часот и 25 минути, крадецот софантомка и со пиштол во раката влегол во менувачницата „К-Виса“ лоцирана во градскиот пазар во Струга и од вработената ги побарал парите од сефот. Заканувајќи и се со пиштолот по нејзиниот живот, ја удрил по главата, по што од сефот почнал да ги зема парите и да ги става во црна ташна што ја имал со себе. Во моментот, вработената на висок тон повикала помош поради што И.Л. почнал да бега при што е совладан а потоа и приведен во полициска станица.

При претрес во неговиот дом, полициските службеници пронашле една рачна бомба М-75 ставена во пластична обвивка.

Пиштолот марка „Црвена застава“ што бил сопственост на неговиот татко со кој го извршил разбојништвото, рамката со пет куршуми заедно со пронајдената бомба се одземени и предадени на вештачење во Министерството за внатрешни работи во Скопје. 

За делото кое го направил си заработи 30 дена притвор.