Им ветувал работа во странство па парите си ги ставал во џеб - прилепчанец повеќе нема да мами граѓани

Прилепчанец си заработи кривична пријава бидејќи мамел сограѓани дека ќе им обезбеди работа во странство. Според податоците на полицијата, се работи за 44-годишниот Х.П. и правното лице Друштво за производство, превоз и услуги „Еуропесе Детацхеринг Буреау“ од Прилеп.

Според податоците, пријавениот ја основал фирмата и објавил оглас дека нуди работа во Холандија, Белгија и Германија. Заинтересираните лица требале да поседуваат бугарски пасош и да уплатат 550 евра на жиро сметка, а сметката покривала трошоци за авионски билети, престојувалиште за 14 дена како и поддршка и посредување за вработување, за пријавување престој во странската држава и трошоци за агенцијата. Пријавениот ветувајќи им дека по заминувањето во странство ќе потпишат договор за нивно вработување, а во рок од 12 месеци доколку не добијат соодветен предлог за работа таксите за престој и превоз ќе им бидат вратени во вредност од 250 евра.

На ваков начин пријавениот измамил 14 лица кои не заминале на работа во странство, а со тоа се стекнал со 466.988 денари. За делото ќе си заработи соодветна кривична.