Нови детали: Тројца маскирани сакале да го украдат прометот за Блек Фрајдеј

Тројца маскирани влегле вечерва во продавницата на Нептун кај градски стадион. Биле маскирани и според првичните неофицијални информации сакале да ги украдат парите од прометот за Блек Фрајдеј. 

Од снимките од местото на настанот може да се забележи дека еден од маскираните напаѓачи е соборен на земја, а според најновите информации од полициски извори во рацете на полицијата паднал и вториот напаѓач. Се трага по третиот. 

Станува збор за обид за кражба, а се слушнале и истрели.

Полицијата е на местото на настанот, а граѓаните кои си пазарувале се видно вознемирени.