Нови сознанија: Веља невоља „испумпувал“ пари и од српското министерство за култура- не се исклучува поврзаност и до МВР

Српската министерка за култура, Маја Гојковиќ, им ги предаде на истражните органи документите што укажуваат на поврзаност на криминалната група на Веjко Беливук, наречен Веља Невоља, со државните службеници од областа на културата.

Таа посочи дека предала два случаи поврзани со ресорното министерство со инкриминираните лица и најави дека ќе предаде и трет документ, кој се однесува на тешка кражба во музеј во Белград.

„Не знам дали третата ставка има врска со таа група, но гледам дека одредени навивачки групи се појавуваат за тој музеј и треба да се испита. Она што го најдов не е целосно, но очигледно е поврзано од неколку страни и од повеќе нивоа на власт “, рече Гојковиќ за телевизијата К1.

Таа истакна дека станува збор за „чист криминал“, но дека не може да зборува за деталите за тие случаи поради текот на истрагата.

„Јавноста ќе биде шокирана од тоа колку далеку отиде, а потоа некој ќе праша дали има врска со МВР. Па, ако имаа врска со културата, тогаш сигурно имале и со Министерството за внатрешни работи “, рече Гојковиќ.