Од утре трета доза на вакцини во Србија- Први на листата се лица над 70 години
Членката на српскиот Кризен штаб, Дарија Кисиќ Тепавчевиќ, најави дека од утре во Србија ќе почне да се аплицира трета доза против коронавирусот.
Таа наведе дека третата доза ќе ја примат граѓани со намален имунитет, кои се на хемодијализа, со трансплантирани органи, лица постари од 70 години. Исто така, трета доза ќе им биде препорачана и на патниците во меѓународниот сообраќај, бидејќи според Кисиќ Тепавчевиќ, голем број луѓе од одмор се вратиле заразени со ковид-19.
– Трета доза вакцина се препорачува и за вработените во здравствените институции, кои имаат должност и обврска да ја заштитат својата професионална околина и да спречат ширење на ковид-19 – посочи Кисиќ Тепавчевиќ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
