Османи ги сликаше нашинците во Бон за пасош

Шефот на дипломатијата Бујар Османи на социјалната мрежа Фејсбук објави фотографии на кои тој ги фотографира нашинците во дипломатско-конзуларното претставништво во Бон за нов пасош со „Северна“.

-Од Минхен дојдов во Бон, како прв министер за надворешни работи што некогаш ја посетил најпрометната конзуларна единица на нашата држава. Тука донесов и дополнителна станица за фотографирање и издавање пасоши, и сега се обидуваме да им помогнеме на граѓаните со два пункта, во две смени и за време на викендот. Се надевам дека оваа реорганизација значително ќе го скрати чекањето, напиша Османи.